Corona-virusi: Mittarfeqarfiit upalungaarsimanermut pilersaarut malissimavaat

Nappaalanersuaqarneranut Ataatsimiititaliamit inassutit takkussimasut Mittarfeqarfinni sulisut tamakkiisumik malittarisimavaat.

Kangerlussuarmi mittarfimmi pisortaagallartoq, Ivaaq Christensen: ”Ilaasut marluk coronaviruseqartutut pasineqarneri pillugit nalunaarut pissarsiarigatsigu Nappaalanersuaqarneranut Ataatsimiititaliamit inassutit pissarsiarisimasagut erniinnaartumik malittaraagut.”

”Kangerlussuarmut timmisartoq mitsinnagu ingerlatassat tamaasa piareersaavigaagut. Mittarfeqarfiit biilit napparsimasunik angallassisarneq ingerlataraa, taamaattumik timmisartup minnissaa sioqqullugu sulisugut piareersimapput. Taamatuttaaq timmisartup kujataa’tungaanut inissinneqartillugu pisortat angallannermillu aqutsisoqarfik ilisimatippagut.”

”Pisoq politiit, peqqinnissaqarfik nunatsinnilu pisortat tamakku qanimut suleqatigalugit malittaraarput. Nalaanneqartumtu atatillugu sulisugut iliuuseqarnerannut assut nersortariaqarput,” Ivaaq Christensen oqarpoq.

Mittarfeqarfiup pisortaanera, Henrik Estrup: ”Kangerlussuarmi sulisut nersualaarusuppakka, malittarisassat malillugit iliuuseqarmata. Pisoq ajunngilluinnartumik iliuuseqarfigivaat”.

Nakorsaaneqarfiup Covid-19 pillugu inassutai ilisimatitsissutaalu uani atuakkit

https://nun.gl/?sc_lang=kl-GL