Dash 8 Air Iceland-imeersoq siulleq Kulusummut mippoq

Ulloq 2. juni najukkami nalunaaqutaq malillugu nal. 10.33 Air Iceland-ip timmisartua Dash 8 Q-400 Kulusuup Mittarfianut siullermeerluni mippoq. Minneq pilersaarutit malillugit ingerlavoq aammalu ilaasut 52-it taamaalillutik Kulusummut timmisartoqqaartoqarnerani timmisartornertik naammassivaat.

Timmisartoq nutaaq atorneqalermat mittarfinni sulisunut suleriaatsit nutaat paasitinneqarnissaat pisariaqarpoq, taamaattumillu Air Iceland timmisartornermi mekanikerimik ilinniartitsisussamik ilaasoqarpoq.

”Air Iceland Kulusummut timmisartuussisalermat nuannaarutigisorujussuuarput aammalu mittarfitsinnut neriuutigisatsinnik timmisartuussisarnerpassuit siullersaattut timmisartuussinerannut naammassilluartumut pilluaqqorusuppakka,” oqarpoq mittarfimmi pisortaq Torben Larsen.

Ulloq nalliussiniarlugu timmisartumi sulisut Kulusuup Mittarfiani kaffillerfigineqarlutillu kaagillerfigineqarput.