Kangerlussuarmi igasutut naammassisoq

Miilu Nikolajsen misilitsereernermi kingorna igasutut allagartartaarpoq, tamannalu malunnartinniarlugu oktobarip 18-ni neriniartarfimmi Musk ox-mi kaffilertoqarpoq.

”Ilinniartuutitta akornanni naammassisoqarnera assut tulluusimaarutigaraput”, Jeppe Ejvind Nielsen oqarpoq.

”Ajunnginnerpaamik kissaapparput qularnanngitsumillu inuiaqatigiinni iluaqutaajumaarpoq.

Assimi takuneqarsinnaapput tullersorti Mikkel Jørgensen, igasoq Miilu Nikolajsen kiisalu igaffimmi pisortaq Ilannguaq Hegelund.