Kulusummi driftslederi nutaaq

Peter Bosold Kulusummi driftslederitut atorfineqqammerpoq. Siornatigut Nukissiorfimmi elværkimi nakkutilluusutut sulisarnikuuvoq, ukiullu kingulliit tallimat Mittarfeqarfimmi sulilluni.

”Aatsaat mittarfimmi sulilerama trafikassistentitut indsatslederitullu ilinnialerpunga. Qanittumilu driftslederitut atorfinitsinneqarlunga.

Driftslederiunerma saniatigut indsatslederiuvunga, traffikkimiittarlungalu terminalarbejderillu suleqatigisarlugit”.

Peter Bpsold sunngiffimmini aasakkut arsartarpoq, umiatsiarluni pinialuttarpoq angalaarujoortarlunilu.

”Ukiukkut qimmeqarama qimussertartorujussuuvunga piniutigisarlugillu taavalu snescooterikkut angalaarneq aamma nuannarisarlugu. Piffissaq annerpaaq qimminut atortarunarpara nerukkaatissarsiuuttarlugit suliaralugillu”.

Peter Bosold atorfittaarnerani pilluaqquarput.